مبخر الدجاج الصحي اللذيذ

اهلا

مبخر الدجاج لولاتو
يجنن من جد وخفيف ولا فية حوسة زايدة وطعم ولا ارووووع
يحتاج قدرمنتو وما عندي فستبدلتة بمشخال قوي فوق القدر عشان البخار ينضج الدجاج بس الدجاج مايلمس الماي

انا استخدمت ملون طعام رهيب ماشفت مثلة لون احلى من اكل المطاعم شريتة من سوق الخميس ب50 ريال بعد ماجربتة من عند اختي وهو اصلة من القصيم

السمنة اللي استخدمتها من اسواق المنتزة ب14 ريال اسمة سمنة بلدي كلمة رهيبة قليلة علية
المقادير :
المويه والدجاجه وزيت وسمنه و خضارمقطعه مربعات كبيره(بطاطس,بصل,فلفل رومي,جزر,طماطم)بهارات كبيره,بهارات مطحونه,كزبره خضراء مفرومه ناعم ,بهارات مطحونه(فلفل أسود,كمون,زعفران,صبغة زعفران,ملح,ماجي ,أبزار مجمع ,) 3 كاسات رز بسمتي ,ثوم مدقوق وممكن تستغني عن الماجي والسمنه ويصير أكل صحي

نحط ربع القدر ماي ونحط فية بهارات صحيحة وليمونة عمانية واذا غلى الماي نحط المشخال وفية قدر الدجاج لمتبل

نغطية ونخلية ينضج (ثلاث ارباع نضج ونكون بوقت نضجة مقطعين خضار قطع كبيرة_بصل -كزبرة مفرومة-جزر -طماطم-بطاطس-جزر-متبل بباقي تتبيلة الدجاج
ونحطة على الدجاج ونسكر علية لين ينضج ماراح وقت واجد ممكن ربع ساعة

الحين كل الخضار مع الدجاج اذا استوى نحطة بصينية ونحمرة اذا حبينا

بالنسبة للرز ممكن نسوي رز ابيض معاة لكن انا لما شلت الدجاج لقيت الماي مغري وملون ومنكه فسيوت الرز فية كاني مسوية رز ابيض لكن بنفس الماي يعني حطية وخليتة ينضج وشخلتة ونشفتة

النهاية