تشكيين كييف

موضوع: تشكيين كييف الأحد 08 أغسطس 2010, 4:49 am

حبيت ااكلكم اكلة جديدة وسهلة وتحبوها بس بجد جميلة اوى ومجرباها يلا تعالوا

المقادير (تكفى 4 أشخاص)
4 صدور فراخ
120 جرام زبدة بدرجة حرارة الغرفة
2 فص توم كبير مفروم
1 ملعقة كرات مفروم ناعم أو ممكن بقدونس حسب الرغبة
بيضتين
2 ملعقة لبن
1/3 كوب دقيق أبيض متبل بملح و فلفل
11/4كوب بقسماط مطحون

الطريقة:
1)أقطعى أى دهون موجودة على صدوى الفراخ, أفردى الصدور بداخل كيس بلاستيك و دقى عليها بأداه مثل يد الهون مثلا لحد ما سمكها يبقى نصف سنتيمتر تقريبا, خلى بالك من انها تتقطع عشان الحشو ميطلعش برة.
2)حطى الزبدة و الثوم فى طبق و اهرسيهم كويس بالشوكة و حطى الكرات و البقدونس عليها و بعدين قسمى الخليط 4 و شكلى كل جزء على شكل اسطوانى.
3)ابدئى بحشو صدور الفراخ زى الصورة و أقفلى الاطراف كويس أوىىى على الزبدة.

4) حطى صدور الفراخ فى طبق و سيبيهم فى التلاجة لمدة 30 دقيقة.

5) فى طبق عميق اخلطى البيض و اللبن, أغمسى الفراخ فى الدقيق ثم فى الببيض ثم فى البقسماط و بعدين فى البيض و البقسماط تانى علشان نتأكد ان الفراخ قفلت كويس.

6) و بعدين أقلى الكييف فى زيت نباتى لحد ما يبقى لونها دهبى, بتاخد حوالى 8 دقائق على نار هادية.

ممكن تقدم مع بطاطس أو مكرونة, أنا بفضلها سندويتش مع مايونيز و خيار مخلل بتبقى تحفة تشكيين كييف 16

موضوع: رد: تشكيين كييف الجمعة 13 أغسطس 2010, 2:02 am

موضوع: رد: تشكيين كييف السبت 14 أغسطس 2010, 4:05 am

نورتينى يا كبرياء انثى شكرا لمرورك

كتير شكلها زاكيه تسلمي ياسكر
كمان سهله كتير ان شاء الله اجربها

يسلمووو يا ريري يا قمر

موضوع: رد: تشكيين كييف الخميس 19 أغسطس 2010, 9:37 am

نورتونى يا احلى قمرات راميا ومى وشوشو يسلملى مروركم