كرنب على الطريقه الفلسطينية

السلام عليكم ورحمه الله وبركاته
حبيبات قلبي يا عصابتي الجميلة

حنعمل اليوم محشى كرنب على الطريقه الفلسطينيه
وفراخ مشويه بصوص التتبيله

نبدا بالمحشى
طريقته عاااااااااااااااااااااديه جدا
بتسلقى الكرنب وتقطعيه

والخلطه بطريقتنا العاديه

اللى هى بصل مبشور وخضره محشى ورز مغسول
وطماطم قطع صغيره او مبشوره وزيت وسمنه ومعلقتين صلصه
وضيفى البهارات اللى تحبيها

نحشى المحشى وقبل ما نرص انا بحط ورق الكرنب تحت عشان ميلصقش
حطى الورق التالف المقطع او الاخضر

وضيفت على الوش معلقه صلصه مدوباهه بشويه ميا
ومعلقه سمنه فلاحى

واحطها على النار واول ما تغلى بوطى النار عليها

وبجهز الخلطه الفلسطينيه

وهى زي ما انتم شايفين
لمون وكمون وتوم
بدق التوم مع الكمون وبعصر عليها الليمون

وبتكون شكلها كده
واول ما المحشى اتشرب شويه بضيف شويه ميا صغيرين
واقلبهم على الحله واغطيها واسيبها تكمل سوى

وهنا
بعد لما استوت

وده كمان طبق للحبايب

بجد ياجماعه والله الريحه قاااااااااالبه الدنيا
والطعم مختلف تمااااااااااااااااااااااما
محبش كده ولذيذ

الفراخ المشويه على الفحم
ولانى بحب الفراخ تكون مستويه كويس جدا عشان تكون صحيه
شويتها الاول على الزجاجه اه زجاجه البيبسى او الحامل الاتنين واحد
وده طبعا بعد لمانقعتها 3 ساعات بالتتبيله
بصله مبشوره وطماطم مبشوره وزبادى وزنجبيل وزعتر وملح وفلفل لمون

وده طبعا بعد ما استوت

وهناقطعتها نصين عشن احطها على السيخ اللى بيقفل على الفراخ بتاع شوايه الفحم
والخلطه اللى كنت ناقعه بيها الفرخه مرميتهاش صفيتها كويس

لحد ما بقه صوص لذيذ موتتتتتتتتتت

وحطيته على الفرخه قبل ما اشويها بالشوايه الفحم عشان تحتفظ بطراوتها وما تكون ناشفه
وده شكلها بعد لما اتشوت

ودى كمان صوره زووووووووم

معلش مقدرتش اصورها على الشوايه زوجى اللى كان بيشوى
وكده حلو احسن ما انا اللى اتشوى لو شافنى بصور
حنتظر الردود منكم والتقييم او ياستى دعوه حلوه
المهم تقدرى تعبى
واوعو اوعووووووووووو متقيموش
احبكم فى الله

اممممممممممممممممم والله اكلة بتشهي احنا معزومين عندكم الليلة
تسلم ايديكي حبيبتي

» سمك محشي على الطريقه الجزائريه .. ؟؟
» مكرونة بالخضار على الطريقه الصينيه
» جمبري على الطريقه الصينيه مع الرز بالخضار
» هويتي الفلسطينية
» أجمل ما كتب عن المرأة الفلسطينية