احلى واسرع فراخ مشويه بالفرن

السلام عليكم ورحمه الله وبركاته

ازيكم يا احلى بنات

اليوم جيبالكم احلى واسرع طريقه عمل فراخ مشويه بالفرن

المقادير:

1 فرخه (4 قطع)
1 بصله كبيره
ملح-فلفل-زعتر ناشف-بهارات فراخ"جاهزه عند العطار"-روز مارى او بيسموه اكليل الجبل"من عند العطاربرضه"-واخيرا وليس اخرا ورق لورى

الطريقه:

بتاخدى الفرخه وتقطعيها 4 قطع وتغسليها كويس بماء ودقيق, وبعدين تحطي الفراخ ف مصفاه وتسيبيها تنزل المايه
تقطعى البصل ترنشات صغيره, وتحطى عليها الملح والفلفل والزعتر وبهارات الفراخ والروز مارى , وتدعكيهم بايدك خمس دقايق (( والدعك هو سر الوصفه))
تجيبى قطع الفراخ وتحشيها يالبصل من تحت الجلد , وتحطى بصل من فوقها وتحتها
تحضرى قطعه فويل"ورق قصدير او الومنيوم" وتحطى عليها شويه بصل من بتاعنا المتبل وحوالى 4 ورقات من ورق اللورى, وبعدين تحطى عليها الفراخ وتقفلى ورق الفويل باحكاااااااااااااااااااااااااااااام
تدخليها الفرن "متوسط الحراره , على الرف اللى ف النص , وتسبيها حوالى ساعه الا ربع
بعد مرور الوقت تفتحى ورق الفويل, وتشغلى الشوايه عشان تحمر الوش
اما الخطوه الاخيره انك تجيبى قطعه صغيره من ورق الفويل وتحطى عليها شويه زيت صغيرين , وتغمسى فيها قطعه فحم ساخنه, وتحطيها بين قطع الفراخ, وتقفلى على الفراخ كويس جداااا بورق الويل , عشان تاخد الطعم
وبس كده...... بس انتى ممكن كمان تقطعى تحت الفراخ بطاطس بتكون جميله برضه

وبالف هنا

وطبعا مش عاوزه افكركم ... لازم نسمى قبل منعمل اى حاجه عشان ربنا يباركلنا فيها

اعملوها هى وصفه سهله ومضمونه وابقوا طمنونى ع النتائج

سلام عليكم

يسلمووووووووووووووووووو حبيبتى

تسلميلى يارب يالولو
منوراااااانى

فين الصور ياحببتي انا عاوزه اقرأ وأشم وأتفرج ههههههههههههه تسلمي ياغاليه

انتى جوعتينى ههههههههههههههههههه
شكرا يا مشمش يا قمرايه

» سمك بالفرن
» سمك صحي بالفرن
» قطع الدجاج بالفرن تهبل
» صنية دجاج سهلة بالفرن
» احلى زغروطه لولولىىىىىىىىىىىىىىىىىىى