اكرهك لأني بكل مكان اتخيلك

[size=25][ مـدخـل ] :.

لطالما كنت أرى فيك الفارس المغوار الذي ملك قلب الأميرة وتربع

على عرش قلبها فهل كنت عمياء ؟

تذكر زمان يوم كنت اقولك إني أعشقك ..

وتبتسم وتقول : إذا انتي تعشقيني أنا والله مجنونك ..

أهيم بنظرة عيونك ..

وأصارخ بأعلى صوتي أنا يابنت مفتونك ..

وقتها ماكان يهمني أعرفك ..

لأني حبيتك واللي يحب أعمى ..

صرت اتنفس هواك ..

واغض عيني عن خطاك ..

ولو يسألوني عن أسعد أوقاتي بقول :

وقت ماأكون معاك ..

بس الحين كل شي تغيّر ..

تمنيت إني ماعرفتك آه ياليتني للحين اجهلك ..

دامك تعرف مصيرك ليه حاولت تعلقني بحبك ..

ليه خليتني اتوهم إن دربي متعلق بدربك ..

انت وين وأنا وين ..

ياليت بيدي أمسح الماضي وابيده ..

والله لو تجمعني الدنيا فيك لأتركك ..

ماني مجنونة أعيش الألم والخطا وأرجع اعيده ..

آه ياحياتي الجديدة ..

كلها وهم وسراب ..

هو آخر الحُب اغتراب ..

ياليتني للحين عازفة عن العشق ومادليت له باب ..

انت سبة جروحي وآلامي ..

بعد ماكنت عايش بسعادة بخليك تموت ظامي ..

دامك تعرف حقيقتك ليه تعيشني بهمك ..

ليه تلوث أحلامي بدمك ..

بعد ماكنت أتمنى قربك واعتبر نفسي بنتك وحبيبتك وأمك ..

صرت أكرهك ..

ايه أكرهك ..

أكرهك لأني بكل مكان اتخيلك ..

أكرهك لأني ماكنت اعرفك كنت اجهلك ..

أكرهك لأني ماقدرت اضحي مثلك وادفع حياتي ثمن ..

آه ياضيم حبك يازمن ..