السلام عليكم و رحمة الله و بركاته
.
.
.
هيك بقولوا اللي بدهم يبيعوا فلسطين
ما بيعرفوا قيمتها!!
تعالو نبيع فلسطين ...
راح نزعل سنتين ...
بس راح نريح بالنا من مناظر التدمير ...
من مناظر التعذيب القتل و التفجير ...
كم أم ضاع ابنها من بين ايديها؟
كم شب ضاع عمره عشان التحرير؟
لو بعناها راح ترجع زي ما كانت فلسطين ...
ممكن يغيرو اسم فلسطين ...
بس شو بدنا بالاسم المهم تكون بسلام ...
بنصير نروحها سياحه ...
بتصير كلها صياعه و فياعه ...
ببطل عنا وطن نحارب عشانه ...
بنبطل نقعد بالساعات نصمم صور تقطع قلب الصخر ...
بتبطل دمعة طفل تنزل من الخوف ...
ممكن يقلعوا شجر الزيتون ...
يزرعو شوك وزقوم ...
ممكن راح ننسى ريحة البرتقال و الليمون ...
بس راح يرجع الامن لفلسطين ...
ممكن الاقصى يهدموه ...
وراح ننسى آذانه والصلاه فيه ...
بس راح يرتاح من التعذيب اللي هو هسا فيه ...
تعالو نوقع على بيع فلسطين ...
اصلا شو بدنا نبيع ...
جثث ودم وبيوت مهدومه ...
سيوف وخيول من الانتظار تعبانه ...
خوف بقلوب ناس بريئه ...
صوت شهيد بينادي على رجال خايبه ...
على ضمائر مقتوله ...
على نخوه مش موجوده ...سجون بالمظلومين مليانه ...
رمال من دم الابرياء رويانه ...
اشعار بالدم مكتوبه ...
شو بدنا نبيع...؟
الألم ...
الخوف ...
الذل ...
الشهداء...
الاسرى ...
الشجر ...
الرمل ...
الصبر ...
بس احنا بنقول:
الوطن اللي بعتوه من زمان ...
بعتوه لما سكتو على قتل شيوخ اطفال و نساء ...
سكتو لما انتزعوا وطنا ...
لما شردونا وعيشونا بملاجئ ...
لما بقينا ننادي وننادي و ماحدا سامع ...
لما بقينا نتعذب والكل خايف منا يقرب ...
انتو بعتوا فلسطين ...
هانت عليكم وبعتوها ...
بس احنا راح ندافع عليها لو كل العالم ضدنا ...
لو اجبرونا على بيعها ...
بنبيع روحنا وما بنبيعها ...
ماراح ابيع حبة رمل منها ...
فلسطين راح ترجع على ايدينا ...
فلسطين راح ترجع وروسنا راح تضل مرفوعه ...
فلسطين راح ترجع ...
والكل يسمع ...
فلسطين راح ترجع
.
.
ممــا أعجبني أعجاباً شديــداً..
أنا بحيي من كتبها وبشكره شكر من كل قلبي
بروحى افديها ولا نبيع منها شى
بجد الكلام راااائع جداً جداً
وحبيته أن أنقله أليكم
الجنس
عدد المشاركات 
تميزك في الردود
تاريخ التسجيل
